LV超3A名牌購物網
事後丸不同避孕丸，事後丸係高濃度既賀爾蒙係比冇做任何避孕措施或避孕措施失敗(如避孕套穿了)後作緊急避孕使用的，不能作長期避孕用，而且必須在性行為發生後七十二小時內服食，之後再食都係冇用架，通常係兩粒裝，第一粒要係性行為後七十二小時內食，之後隔十二小時再食另一粒。
避孕丸係低濃度賀爾蒙，比例同女性體內的賀爾蒙的差不多，而且要定期食，才能達到最佳的避孕效果，間中食，或者係有性行為先食，都有機會令到避孕效果減低，增加意外懷孕的風險，避孕丸有分二十一粒裝同二十八粒裝，兩者分別在二十一粒裝係食晒一包之後要停藥七日，第八日就開新一包再食，如是者一直重複咁食，二十八粒裝係無停藥期，食完一包之後，立即開新一包再食。
坦白講你個朋友而家先食當然係冇用啦，何況仲係食錯藥，做緊急避孕既時間都過晒啦，就算帶子宮環都要五日內帶先有用，你叫你朋友買定驗孕棒驗好過，做完十四日，應該可以驗到有冇bb，至於危險性有幾大，答唔到你，因為好睇你朋友做個陣係咪排卵，如果係排卵期有既機會當然大啦，如果唔係排卵期有既機會當然細啦，不過都唔可以話完全冇機會，而家真係睇彩數，如果你個朋友過了一個月仲未來月經，最好驗下，驗完再去醫院睇下，如果不幸懷孕，記得同屋企人商量下，或者搵外間機構幫助下，可以去家計會、母親的決擇等等睇下佢地幫唔幫到佢，最好搵個經手人出黎講下，因為一個人係冇可能搞到懷孕，雙方都有責任，不過最後既後果總係女人承受晒。
！
